كتبت – إيمان عمارة
وجهت الفنانة فريدة سيف النصر عبر حسابها الخاص على “فيسبوك”، رسالة عتاب قاسية للإعلامية مها الصغير، على خلفية أزمتها مع طليقها الفنان أحمد السقا، بعد تقديمها بلاغًا رسميًا ضده بالتعدي عليها بالضرب.
وعلقت فريدة منشورًا طويلًا وجهت في بدايته رسالة للسقا لتختتمه برسالة لمها الصغير، شكّكت في بدايتها في ادعائها بأن أحمد السقا ضربها، وذلك لعدم وجود تقرير طبي بالضرب، مؤكدة أنه لو كان السقا قد ضربها فعلًا لكانت هناك إصابات ظهرت بها وهو ما لم يحدث.
وذكرت سيف النصر، قائلة: “عيب يا أم ياسين الغالي لو تأذيتي كان يبقي في تقرير طبي، لأن ضرب الجدع أبو الرجولة مش سهل تبقي فيكي حيل للجري ع القسم، حسبي الله في اللي عمالين يسخنوا من الجهتين”.
ثم وجهت للاثنين طلبًا بأن يصونا العشرة ويتوقفا عند هذا الحد، قائلة: “استحلفكم بالله والعشرة والولاد اللي زي الفل كفاية كده، ولحبايبنا اللي بيعلقوا بالتجريح، ده حبيبكم حطوا نفسكم مكانه واعملوا حساب ولاده وموقفهم دوول رجالة والعروسة القمر نادية بجد كتير عليه كده”.
واستكملت: “وأنتي يا غالية بعتي حاجات ماتتعوضش بولا حاجة خايفه عليكي، وأنت اسمع كلام أم الرجالة، من اشترانا بالروح اشتريناه، ومن باعنا بعناه ويحرم علينا اجتماعه، ولو مديت إيدك يبقي غلط، وأنا كلي معاك لأني باحس كويس أوي بالشفافية اللي كلكم عارفينها عني الحمد لله، والله لا يسامح اللي ورا كل الحرب دي، وربنا معاك بجد”.
وعادت لتوجه كلامها لـ “الصغير” من جديد قائلة: “وأنتي ربنا معاكي ويقويكي على نفسك، النفس أمارة بالسوء، ناس هاتقول حقها ماشي لا التوقيت صح ولا هي صغيرة على التسرع ونسيان اتنين رجالة وعروسة، وأبوهم أبو الرجولة، وده رأيي وفي الحق لا أخشى لومة لائم. سنحاسب على كلمة حق نكتمها، ربنا يهدي الأحوال ونشوف صلح ولا يتخرب بيت أبدًا يارب”.
