كتب – محمود البدوي
قالت لوسي في أحد التصريحات الإعلامية: “إحنا بنعتزل وبنرجع، لما تقعدي 8 سنين متلقيش عمل يبقى إنتى كده معتزلة الفن علشان مش لاقيه حاجة كويسة تشتغليها.
كما أكدت الفنانة لوسي أنها لم تفكر يومًا في فكرة اعتزال الفن، كاشفة عن رأيها في ترك الفنانين لمهنة الفن بسبب قلة الأعمال المعروضة عليهم.
وتابعت لوسي: “في فنانين كتير زي الأستاذ لطفي لبيب قعد كذا سنة في بيته بعيد عن الفن ولما لاقى شغل كويس رجع تاني وتراجع عن قراره واشتغل تانيِ.. عشان كده نقطة الاعتزال مش بتكون بإيدك”.
وأضافت لوسي: “قرار الاعتزال بيكون على حسب كل فنان وحساباته هل هتقبلي تهينى نفسك عشان المادة ولا هتنتظرى تعملى حاجة ترفع من شأنك؟، هي دي الفكرة إحنا كلنا بنعتزل ونرجع مجرد إنك تقعدي في البيت ده اعتزال، لكن بنرجع لما بنلاقي شغل كويس يناسب تفكيرنا ومتطلباتنا”.
وحول تفكيرها في فكرة الاعتزال، ردت الفنانة لوسي: “فكرة إني أسيب الفن خالص مجتليش على بالي، أنا بسيب الفن لما يكون في حاجة مش عجباني أو الورق مش كويس أو الشركة المنتجة مش مدياني القدر اللي أستاهله، لكن لما بتيجي حاجة كويسة بتراجع عن قراري وأعتقد كل الفنانين كده”.
