أميرة حسن همداني
وجه الفنان مراد مكرم رسالة إلى منتقدي إحتفال المسلمين بالكريسماس من خلال صفحته على موقع التواصل الاجتماعي Facebook.
وقال مكرم ” يا مسليمين ،ما تحتفلوش بالكريسماس ،ما تعملوش شجر كريسماس في بيوتكم ما تحتفلوش برأس السنة الميلادية ….كل دي بدع، يا ميسحيين ما تحتفلوش برمضان ،ما تشتروش ولا تعلقوش فوانيس في بيوتكم ،ما تشتروش حلاوة المولد ،و الأعياد المصريه القديمه زي شم النسيم كفر ….ايوا كده…. الخطوة الجاي بقي يا حلو ما تتعاملوش مع بعض ،ما تشتروش من بعض ،و الخطوة الي بعديها اكرهو بعض وولعوها ناااااار”
وتابع مراد قائلا “كان غيرك اشطر يا غبي منك له …. إحنا عايشين مع بعض بقالنا 1400 سنه بنحب بعض و بنتخانق زي الاخوات ما بتتخانق ،فينا الوحش بس الاغلبيه حلوة و هم سر تألق مصر مهما حصلها من ظروف”.
واختتم حديثه قائلا “انتو إلي مزبلة التاريخ ،و تبقي مصر قويه بشعبها ،مسلميها و مسييحيها ايد واحده ضد الجهل و التخلف و الغل والعملاء الي يوم الدين”.
ويذكر أن مراد مكرم شارك في مسلسل “إجازة مفتوحة” مع شريف منير ولقاء الخميسي وغيرهم نخبة من النجوم، كما ينتظر عرض مسلسل “الغرفة 207” مع محمد فراج وريهام عبد الغفور ومجموعة من نجوم الفن.
