كتب – أحمد عبد الفتاح
كشف الفنان محسن محيي الدين، عن دورته في مسلسل “ريفو2″، بطولة أمير عيد مطرب فرقة كايروكي، وعدد من الفنانين، والذي جسد خلاله شخصية المؤلف حسن فخر الدين.
وقال محسن محيي الدين: “الناس عجبها دوري في ريفو عشان هو فيه مشاعر الأب اللي مش حقيقي، هو كان زوج والدته بس عنده إحساس الأبوة، وإنه نفسه يساعده وبيحاول يحقق له طموحه، المشاعر دي إحنا محتاجينها بين الأولاد وأهاليهم، عشان كده الدور وصل للناس، وطبعا فكرة العلاقة بين الابن وزوج أمه، الواحد سعيد بيها أكيد”.
وعلق محسن محيي الدين على تعاونه مع فرقة كايروكي في مسلسل ريفو، حيث إنه كان يعرفهم من وقت الثورة، قائلًا: “كنت أعرف فرقة كايروكي من قبل ما أشتغل معاهم في مسلسل ريفو، عارفهم من أيام الثورة، وكنت بسمعهم عشان كانوا بيعملوا حاجات مختلفة”.
وتابع محسن : أيام الثورة كانوا كايروكي بيعملوا حاجات جميلة، ومن الحاجات اللي الواحد كان فرحان بيها وقت الثورة هو إن في فن جديد ظهر، لكن للأسف على طول طمسوه”.
وأضاف: “وظهرت أغاني المهرجانات وأنواع تانية من الفن، فمحافظناش على الأغاني دي، ولما رجعوا يقدموا أغاني تاني مبقتش بسمعهم لأني مش بسمع حاجة خالص الحقيقة”.
