كتبت – أسماء حليمة
علق الفنان محمد أنور عن أحداث غزة، وعن تأثير الحرب عليه حتى الآن، موضحًا أنه من أكثر الأشخاص التي تأثر بالحرب بشكل كبير.
وقال محمد أنور في لقاء صحفي له: “اكتشفت أن أحداث فلسطين والأحداث اللي حصلت أثرت علينا بالسلب نفسيا حتى لو بتمارس حياتك بشكل طبيعي”.
وأضاف: “أنا عاصرت وأنا صغير فترة محمد الدرة وكانت أبسط من اللي بيحصل بمراحل والدنيا اتقلبت، ولحد دلوقتي فاكرينه واللي بيحصل هيفضل مأثر في نفسيتنا سنين طويلة”.
وتابع: “وقت ما بدأ الحوار كلنا كنا بنموت وأنا كنت من أكتر الناس اللي بتموت لدرجة الناس كانت بتشوفني أوفر، لكن واللي بيحصل تخطى حدود الإنسانية والآدمية وكإنسان إزاي تعمل في طفل كده، وأنا علشان خلفت فالواحد مشاعره أوفر فبكون حاسس إحساس الأهل”.
وواصل: “وقت الأحداث كنت بنزل كل ثانية حاجة وكنا بنحاول نوصل لبره إننا مظلومين لأنهم كانوا شايفين العكس، وإحنا أكتر شعب مرتبط بالقضية الفلسطينية والموضوع أكبر من أي دولة في العالم، وكنت من أكتر الناس المتأثرين بشكل غير طبيعي”.
