منار أيمن
كشف المخرج خالد دياب تفاصيل مشهد جمع بين النجم هشام ماجد والفنان مصطفى غريب في مسلسل “أشغال شقة”، الذي تم عرضه في شهر رمضان الماضي، وبعد إعادة التصوير أكثر من مرة تقرر حذف ذلك المشهد.
وقال خالد دياب خلال حواره مع الإعلامي شريف عامر في برنامج “يحدث في مصر” المذاع عبر قناة MBC مصر: “دور عربي اللي لعبه مصطفى غريب مكانش موجود على الورق، لكن هشام ماجد عنده نظرة كوميدية وفكر، وقال لازم يبقى حد موجود معايا مردات في الشغل، وكنت أنا وشيرين دياب خلصنا كتابة أول 5 حلقات”.
هشام ماجد ومصطفى غريب في مشهد من أشغال شقة
وأضاف خالد دياب: “إحنا الضحك في شغلنا غير مبني على الضرب بالأقلام والإهانة، لكن قرروا في مشهد إن حمدي “هشام ماجد” يدخل على ياسمين “أسماء جلال” يلاقيها بتتصور مع فادي “أحمد عبد الوهاب” في البيت في منظر مريب، وعربي يتجاوز ويقول لحمدي ولادك دول ولاد مين، وحمدي يضربه بالقلم 4 مرات وينتهي المشهد”.
وتابع دياب قائلًا: “كان أول يوم أقابل رحمة أحمد ضيفة شرف المسلسل، والمشهد قلب معركة وأنا قدام المونيتور وكل تفكيري سعرها كام علشان أكسرها، لأن كل ما هشام يضرب مصطفى يضحك بجد، ورحمة تقع على الأرض من الضحك، وأنا أعيد مشهد أنا أصلا مش عايزه”.
