كتبت – بسمله الجمل
أعربت الكاتبة والشاعرة منة عدلي القيعي عن سعادتها بانتشار أغانيها في مخيمات الفلسطينيين، وقالت خلال تصريحات تليفزيونية: بتبسط لما الأغاني بتاعتي بتشتغل في فلسطين والمخيمات، وبشوف فيديوهات لأطفال بتغني الغزالة رايقة أو إيه اليوم الحلو ده.
وواصلت “القيعي”: كل شوية الناس تسألني مش بعمل أغنية عن أحداث فلسطين ليه؟، وده عشان أنا مهتمة بس دلوقتي إني أعمل أغنية تفرق نفسيًا مع الناس، وتوصلهم إننا مش في وضع ضعف إحنا بندفع تمن غالي.
وسبق وتحدثت الكاتبة عن مكالمتها مع الراحل عمار الشريعي، ودور والدها الكابتن عدلي القيعي في مشوارها الفني، وقالت منة خلال تصريحات تليفزيونية: أبويا كان صديق شخصي لـ عمار الشريعي، وسرقت نمرته من تليفون أبويا وكلمته وأنا في العشرينات.
وأضافت “القيعي”: وقولتله أنا بكتب وعايزة أسمعك اللي أنا بكتبه قالي سمعيني وقعد معايا على التليفون نص ساعة، وقالي أنتي عندك أفكار غريبة بس معندكيش بحور ووزن وقافية، فكل ده شدي عليه السيفون، ووقتها روحت للشاعر صلاح فايز.
