آية عاشور
أعربت الفنانة منة عرفة على تقديم اعتذارات لعدة فنانين عبر حسابها الرسمي على مواقع التواصل الاجتماعي، خلال الساعات القليلة الماضية، وذلك بسبب الأزمات التي مرت بها خلال فترة زواجها.
وكانت البداية مع الفنانة إلهام شاهين، حيث أرسلت لها منة عرفة رسالة اعتذارًا مؤثرًا، قائلة: “أستاذتنا ونجمتنا الكبيرة وقدوتنًا اللي دايمًا بنفتخر بيها، دايمًا بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لإنك بجد تستاهلي كل التقدير والاحترام والمحبة”.
وأشاردت “عرفة”: “أنا عايزة استغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة جميلة، وقلبك طيب وجميل وأبيض زي ما اتعودنا عليه وناجحة وبخير دايمًا يارب، وعايز أقولك أنا آسفة عن أي حاجة صدرت مني تجاه حضرتك في يوم من الأيام”.
كما أضافت: “أنا مكنتش أقصدها أنا بحبك وبحترمك جدًا وبقدرك وبقدر فنك وإبداعك اللي كلنا كبرنا عليه، واتعلمنا منه كتير، وآخر حاجة بتنمنالك كل النجاح والتوفيق وكل الخير اللي في الدنيا، لإنك تستاهلي كل حاجة حلوة زيك”.
وفي سياق متصل قدمت منة عرفة اعتذارًا لنقيب المهن التمثيلية الدكتور أشرف زكي، قائلة: “نقيبي وأستاذي ومعلمي والأب الروحي ليا ولينا كلنا، بعتذر لك عن أي حاجة ضيقتك مني في يوم من الأيام، أو أي حاجة صدرت مني بدون قصد تجاه حضرتك”.
وأكملت: “كلنا أولادك وبنتعلم من حضرتك وأنا أولهم وآسفه لحضرتك على أي لحظة حضرتك اتضايقت فيها، وكنت أنا السبب حتى لو كانت مش مقصودة ولا عمري أقصد، وكل سنة وحضرتك طيب وبخير بمناسبة الأيام المفترجة اللي إحنا فيها”.
واختمت الفنانة قائلة: “أنا بحبك جدًا وحضرتك عارف غلاوتك عندي، قد إيه مقدرش على زعلك أبداً، مليش غيرك يا دكتور أنت أبونا كلنا”.
