كتبت ـ داليا حسام
تحدثت الفنانة حورية فرغلي عن الشخص الذي تعتبره حب حياتها، وأنها لم تعرف الحب الحقيقي إلا معه، وذلك في برنامج “في العمق” للإعلامي تامر شلتوت.
حيث قالت حورية فرغلي: “أنا شفت الحب مرة واحده في حياتي سنة 2002 مع خطيبي اللي اتوفى، ومن بعده محبتش حد تاني”.
وأكملت: “على الرغم من مرور 21 سنة، خطيبي اللي مات كان وزنه 175 كيلو، وكان عنده مشكلة في رجله الشمال، فكان بيذق، وكنا قد بعض في السن”.
وتابعت حورية: “رغم مرضه لكن كنت بشوفه أحلى راجل في الدنيا، والناس كلها تقول اي الجنان ده، لكن مكنتش ببص لكلامهم، بصيت لقلبه واللي جواه”.
وأردفت “فرغلي”: “كفاية إني سامعة صوته، كفاية وجوده في المكان ريحة برفانه، من ساعة ما ما مات وأنا مش لاقية حد غيره”.
وأكملت: “قضينا سنتين سوا متخانقناش مرة، كل ما اطلع الأولى في الفروسية أروح البيت ألاقيه جايب لي تورتة كبيرة عليها صورتي ولعب”.
وأكدت حورية: “بدور على حبه مش لاقية، ساعات بقول لنفسي أنا شفت الحب ده كله ليه لما في الآخر هيتاخد مني، لكن ربنا اللي عايز كده”.
وتحدثت أيضًا عن حياتها بعد وفاته، حيث قالت: “من بعد وفاته مرتبطش بحد ولا حد أتقدم لي، رغم مرور 21 سنة مشوفتش زيه، مش عارفة ليه، بتحب كتير بس بتصدم لما أعرف السن”.
وذكرت حورية: “كان في شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة، قلت له أنت قولي يا طنط”.
