كتبت – نسمة هاني
حلّت الفنانة مي كساب ضيفة على الإعلامي معتز الدمرداش ببرنامجه “ضيفي”، حيث تحدثت عن كواليس إجرائها عملية تكميم المعدة، وأسباب اتخاذها هذه الخطوة، مؤكدة أن القرار جاء بعد محاولات عديدة لإنقاص الوزن.
وأوضحت مي كساب: “في ناس بعد العملية بتضغط على نفسها وتبوظ العملية، أنا استحالة أعمل كده، أصل أنا دخلت أوضة عمليات وأخدت بنج وشلت حتة من جسمي اللي هي تكميم المعدة، وكان لازم يبقى عندي إحساس بالمسؤولية للخطوة اللي عملتها”.
وأشارت إلى أسباب اتخاذها قرار إجراء العملية قائلة: “فضلت فترة بعمل دايت أخس واتخن اللي بخسه، وكنت باخد أدوية بتسد النفس لحد ما جالي حصوات في المرارة وشيلت المرارة، وأنا منصحش أي حد بيها، وأنا بشيل المرارة قولت للدكتور إيه رأيك نعمل عملية تكميم، قالي مقدرش دلوقتي وخدي القرار وانتي مقتنعة، لحد ما قررت أعملها”.
ووجهت الفنانة رسالة رومانسية لزوجها أوكا قائلة: “لو رجع الزمن هختاره تاني، ودائمًا بقوله أنت بالنسبة ليا الراجل المثالي في كل حاجة، يعني لو رجع بيا الزمن مليون مرة سواء نجحت معاه أو فشلت، لأن دي حاجة في علم ربنا، هو بالنسبة ليا الراجل اللي كنت أتمناه طول عمري”.
واختتمت “كساب” حديثها قائلة: “شايفاه أحسن راجل في الدنيا وربنا يخليه ليا ولأولاده”، ويذكر أن آخر أعمال الفنانة مي كساب كان فيلم “آخر رجل في العالم” الذي طُرح مؤخرًا في دور العرض السينمائي، وشاركها بطولته كلًا من: بيومي فؤاد، أيمن منصور، انتصار، ومحمد محمود، ومن إخراج أسامة عرابي.
