كتبت – نورهان سمير
أعلنت المطربة هايدي موسى، عن خطتها الفنية خلال الفترة المقبلة، موضحة أنها تعمل على الخروج من شخصية الفتاة الناعمة التي عرفها بها الجمهور، بجانب حديثها عن إمكانية دخولها عالم التمثيل.
وقالت هايدي موسى في أحدث تصريحاته: “بحاول أعمل خطة لتقديم حاجات متنوعة خلال الفترة اللي جاية، علشان المقاييس بقت مختلفة شوية عن زمان، وأنا كنت محطوطة في قالب معين وبحاول أخرج منه، أني البنت اللطيفة الهادية الناعمة أوي، فأنا قولت لأ يا جماعة إحنا موجودين وعملنا أغنية على الفبريكة”.
وعن إمكانية دخولها عالم التمثيل، علقت هايدي: “أنا مُقصرة جدًا في التمثيل ومبسعاش ليه خالص، وكل سعيي ناحية شغفي وأنا في الفن بشغفي، ودي حاجة مش صح بصراحة، مش بروح للحاجة اللي ممكن تعملي انتشار أكبر، بحب التمثيل بس مجتليش الفرصة اللي تخليني أطلع الموهبة بشكل كامل”.
وأوضحت المطربة هايدي موسى، على شائعات زواجها، قائلة: “الجواز شيء طبيعي وحلو وحلال ربنا وفرحة، وأول ما يحصل ويكون في حاجة رسمي الناس هتعرف بيها”.
