كتبت – نرمين صقر
أعلنت المطربة هايدي موسى عن عدم رضاها على عدد من الأعمال الغنائية؛ التي قدمتها في بداية مشوارها الفني، بجانب حديثها عن مشاركتها في برامج اكتشاف المواهب، وإمكانية تقديمها أغنية راب، أو مهرجانات شعبية.
وتحدث هايدي موسى في تصريحات تليفزيونية، قائلة: “أنا بحاول أوازن بين الأغاني الطربية، والأغاني اللي بيحبها الجمهور، وبحاول طول الوقت أفرض الحاجة اللي مصدقاها وحباها للجمهور، وخلال مشواري قدمت أغاني مش راضية عنها”.
وتابعت: “لأن المنتجين بيقولوا مش لازم أعمل بس اللي بحبه، لكن أقدم الحاجة اللي بيحبها الجمهور، لكن المزيكا اليومين دول اتطورت بشكل كبير، والحاجة الوحيدة اللي محدش بيختلف عليها هي الكلمة الحلوة والمعنى”.
وأشارت هايدي موسى إلى أنها تحب جميع الألوان الغنائية، لكن تحفظها فقط على الكلمة البذيئة، مضيفة: “بحب أغني الأغاني اللي مصدقاها، وعشان كده صعب أقدم راب أو مهرجانات، ده مش الاستايل بتاعي”.
وعن مشاركتها في برامج اكتشاف المواهب، تحدثت هايدي: “كانت فارقة في حياتي كلها، وكان لها فضل كبير عليا”، مشيرة إلى أنها في مشاركتها الأولى ترى أنها كانت صغيرة والضغوط كبيرة عليها.
وأما عن التجربة الثانية فكانت جيدة، وكانت هي أكبر سنًا فكانت واثقة في نفسها، وحصلت على المركز الثاني، وكانت سعيدة بحب الناس لها.
وكما كشفت هايدي موسى طقوسها قبل صعودها المسرح، معقبة: “طقوسي مختلفة تمامًا، أنا بصراحة مقصرة شوية في موضوع التمارين الصوتية، والفوكاليز، والحاجات دي، وبحاول أعمل ده في البيت، لكن مش بروح لحد متخصص يدربني، لكن دائمًا بشتغل على نفسي وبحب أتعلم وبحب الانتقاد”.
