كتبت – رحمه السعداوي
أعلن الفنان حسام حبيب الحقيقة وراء الأخبار المنتشرة التي تدعي أن الفنانة شيرين عبدالوهاب تتعالج داخل المصحة، موضحًا أنها تمر بحالة نفسية سيئة.
وكان رد حسام حبيب على هذه الأخبار المتداولة أن: “كل دا كلام غلط، شيرين كويسة وزاي الفل، هى بس حالتها النفسية وحشة بسبب اللي عملوا أخوها فيها”.
حقيقة وجود شيرين عبدالوهاب داخل مصحة
وقال حسام حبيب بعد تصريحات شيرين الأخيرة بعدما أكدت تصريحاته في أزمته مع شقيقها محمد عبدالوهاب: “أنا طبعا بشكرها أنها وضحت للناس إني كلامي صح، وكمان مبسوط جدا إنها طلعت اتكلمت”.
وتابع “حبيب”: “ومش عشان اتكلمت عني لا خالص، ولكن عشان طلعت وتحررت، لأني عارف الضغط النفسي اللي عليها عامل إزاي، والله يكون في عونها، ومتعاطف معاها جدًا جدًا”.
هل شقيق شيرين عبدالوهاب سبب أزمتها؟
وأضاف “حسام”: “وبدعيلها ربنا يكرمها ويوفقها ويعوضها عن كل اللي حصل، إن شاء الله دي تكون بداية جديدة ليها فيها كل خير يا رب”، وكشفت شيرين عبدالوهاب سر أزمتها مع شقيقها محمد عبدالوهاب.
وقالت شيرين عبدالوهاب: “عايزاكم متصدقوش أي حاجة من محمد عبدالوهاب وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا”.
سبب خروج شيرين عبدالوهاب عن صمتها
وأكملت شيرين: “لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا مقلوبة، التصريح اللي نزل من محامي محمد اللي مستولي على السوشيال ميديا”.
وتابعت قائلة: “ومضاله على عقد بيخليه يستفيد من السوشيال ميديا بتاعتي، فيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي”.
وتحدثت قائلة: “مش عايزة أضايقكم لإني عارفة أن كل واحد فيكم عنده مشاكل وهموم، وكل شوية شيرين شيرين والفترة اللي فاتت مكانش ليا تصريحات وانتوا أهلي وسندي وبتردوا غيبتي وبتقفوا لي”.
واختتمت: “كمان بعد إذنكم في بيان رسمي في مكتب المحامي قنطوش، ياريت ما تصدقوش غير البيانات اللي بتبقى تصريح مني شخصيًا غير كده دي أكاذيب بشكركم يا حباييي وربنا يخليكم ليا”.
