كتبت – مريم ناصر
شن المطرب وائل الفشني هجومًا على ما يعرف بـ “أغاني المهرجانات”، مؤكدًا أنها لا تنتمي إلى الفن الحقيقي، وأن انتشارها الواسع أسهم في تشويه الذوق العام للفن، وتقديم نماذج غير مسؤولة كقدوة للأجيال الجديدة.
وعبر الفشني خلال استضافته في أحد البرامج، من استيائه من أغاني المهرجانات، مشيرًا إلى أنه يعلم أن كلماته قد تغضب البعض، لكنه يرى أن الصراحة هي واجب الفنان الحقيقي تجاه فنه ومجتمعه.
وأضاف الفشني: “أنا هقول كلام ممكن يقعدني في البيت، بس لازم يتقال، المهرجانات دي مش فن أصلًا، ولو بنغنيها في فرح أو مناسبة تمام، لكن تتحول لتيار فني ومصدر للقدوة، لأ طبعًا”.
وتابع: “الموضوع ده بوظنا خالص، لما أجيب واحد سرسجي، أديله فلوس، وأخليه من أبرز مطربين العالم، ويبقى هو المثل الأعلى للشباب، يبقى أنا كده خربت الدنيا كلها”.
واستكمل حديثه بلهجة حاسمة: “معلش بقى، هو إحنا هنكدب على ربنا أنت مش بتجيب فنان، أنت بتجيب سرسجي تلبسه دهب، وتخليه مثل أعلى، وابني عايز يبقى زيه، عشان يركب العربية ويلبس ويبقى مشهور، دي كارثة حقيقية”.
