كتبت – نورهان سمير
أعلن المطرب والـ DJ السوري وسام هلال، تفاصيل أغنيته الجديدة حد سكة، التي يتعاون خلالها لأول مرة مع المطرب الشعبي طارق الشيخ، معربًا عن سعادته الكبيرة بالتعاون.
وقال وسام هلال: “أغنية حد سكة بتدمج الاستايل اللي أنا معروف بيه، اللي هو الموسيقى الإلكترونية العالمية مع ستايل النجم الرائع طارق الشيخ، وفكرة الأغنية جت من أننا ندمج فكرة الموسيقى الإلكترونية العالمية اللي بعملها مع الموسيقى الشعبية المصرية”.
وأضاف وسام: “طبعًا أنا سعيد بوجود النجم طارق الشيخ اللي أضاف للأغنية كتير من صوته الرائع والموهبة الرائعة كانت الأغنية محتاجاه علشان توصل”.
وتابع وسام هلال عن سبب اختياره للتعاون مع المطرب طارق الشيخ قائلًا: “مش موضوع اختيار لطارق الشيخ، أنا مبسوط إن طارق الشيخ وافق يكون معانا في العمل، وطارق الشيخ واحد من أصوات مصر، وطبعًا هو وعبد الباسط حمودة من الأصوات الشعبية اللي مسمعة عند الناس”.
وكشف المطرب طارق الشيخ عن كواليس أغنية حد سكة قائلًا: “أنا عجبتني فكرة المزيكا، ومترددتش طالما المزيكا جديدة، إنما لو مزيكا زي اللي أنا عملتها هفكر كتير، وأنا مع التجديد”.
