كتبت – سوزان الجمال
أعلنت الفنانة يسرا عن علاقتها بالفنانة الراحلة فاتن حمامة والفنانة نيللي كريم، وقالت أنها لم تندم على أي دور رفضته في حياتها، وأنها تعلمت كثيرًا عن أصول المهنة من يوسف شاهين.
وتحدثت يسرا خلال تصريحات إذاعية: “على الرغم من إني مشتغلتش مع فاتن حمامة، لكن كان بيجمعني بيها علاقة حلوة جدًا، وآخر مكالمة بينا كانت قبل وفاتها بـ أسبوع وقت مسلسل سرايا عابدين، كانت بتتكلم معايا ساعة في تفاصيل المشاهد، وهي وأستاذ عمر الشريف اللي ربوا جوزي”.
واوضحت يسرا عن علاقتها بالفنانة نيللي كريم، قائلةً: “نيللي صاحبتي وحبيبتي وربنا يديم بينا العلاقة الطيبة، أنا وهي أصحاب وبنحب بعض وبنخاف على بعض، وفي فرق بين جيلها وجيلي، وجيلهم مختلف خالص والمناخ بتاعهم مختلف عن المناخ اللي طلعنا فيه، وظروفهم مختلفة عن الظروف اللي طلعنا فيها”.
وتابعت يسرا، مؤكدةً أنها لم ترفض دور في حياتها وندمت عليه، وقالت: “مفيش دور رفضته وندمت عليه، ولكن في أدوار كتير قبلتها وندمت عليها خاصة في بداية حياتي لما كان اختياري ساذج، مكنش عندي الخبرة ولكن اللي علمني أستاذ يوسف شاهين، قالي بتشتغلي كتير ليه؟ أنتي لازم تشتغلي الصح، أنا كنت بعمل 6 أفلام في السنة وده كتير مكنش المفروض يبقى كده”.
ومن أخر أعمال يسرا
يعد مسلسل روز وليلى آخر عمل عرض للفنانة يسرا، وشارك في بطولته الفنانة نيللي كريم، هشام عاشور، أحمد وفيق، تيام قمر، وغيرهم.
