مرام اللبان
كشف المطرب إيهاب توفيق عن كواليس أغنيته “عامل عامله”، والتي قدمها عام 2004 في ألبوم “اسمك إيه”، وسبب رفضه تقديمها في البداية.
وقال “توفيق” خلال لقائه في برنامج “المجهول”، والذي تقدمه رودولف هلال عبر قناة LBC: “الأغنية بتاعة عامل عملة، كان فيها لفظ بيقول “حبي ليه مثبتني”،
واستكمل إيهاب: “وقعدت 6 شهور مش عايز أغني الأغنية دي عشان كلمة “يثبتني”، خايف أن اللفظ يكون تقيل أو متكونش مناسبة أن الناس تسمعها”.
وتابع إيهاب توفيق: “هو لفظ مفيهوش أي غلط أو حاجة، لكن كان جديد على السمع، ومش متعودين نقوله في مجتمعنا العادي”.
وأكمل”توفيق” معبرًا عن انزعاجه من كلمات بعض الأغنيات التي سمعها مؤخرًا قائلًا: “أنا اعتراضي على اللي بيتقدم حاليًا على بعض الألفاظ اللي بتضايق في السمع متخلوش”.
وأضاف المطرب إيهاب توفيق: “الناس تتربى وتتعلم ويبقى طبيعي أنها تقول ألفاظ خارجة عشان بتتغنى كده، في كلمات بيبقى فيها أمك وأختك ومسبات”.
