كتبت – آية عصر
وجه الفنان محمد رمضان اعتذارًا لـ أهل الطفل الصغير الذي ضربه بالقلم في قرية مراسي بالساحل الشمالي، معربًا عن أسفه لأن هذا ليس من الرجولة أو البطولة، ومؤكدًا أن الصفعة كانت بسيطة، لكنها أدت لسقوط كاب ونظارة الطفل.
ونشر محمد رمضان فيديو عبر حسابه الرسمي على موقع التواصل الاجتماعي “فيس بوك”، علق فيه: “الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير”.
وأضاف: “بس الفيديو دا أنا عامله عشان أعترف بغلطي، وأعتذر لأهل الولد الصغير أني إيدي اتمدت عليه، وأنا عارف أنه عيل صغير لأنه لما غلط في الأول قلعته الكاب وبصيت في وشه لقيته عيل صغير، قولتله اسمك ايه يا حبيبي، قالي اسمي كذا قولتله تمام وسبته ومشيت”.
وأكمل: “ولكن هو غلط تاني فلفيت تاني قولتله هات الموبايل مرضيش فضربته قلم بسيط، وبسببه طير له الكاب والنضارة اللي كان لابسها، وإذ كان الناموسة اللي هو ادهاني على وشي فأنا استاهل منها خمسة زيهم، عشان أنا مديت إيدي على عيل صغير ودي لا رجولة ولا بطولة”.
واختتم محمد رمضان الفيديو قائلًا: “دي الغلطة اللي طالع اعتذر عنها، ولما أخدت الموبايل منه ومسحت الفيديو حد قالي اكسر له الموبايل عشان ميعملش كدا تاني، قولتلهم طب هو غلط ذنب أهله إية يتكلفوا موبايل جديد، قولتلهم سيبوه يروح لأهله”.
