كتبت – إيمان أشرف
علقت الإعلامية مفيدة شيحة على الصور المطرب أحمد سعد، والتي ظهر فيها مرتديًا خلخال بقدمه، قائله: “الناس بتتكلم كأنه عمل مصيبة كبيرة، الصور دي ضمن فوتوسيشن أنا متأكدة، لازم نحترم إن ده شغل”.
واستكملت مفيدة حديثها حول أحمد سعد: “وده مش معناه إنهم قلبوا، أحمد سعد زي ما هو المصري ابن البلد، لكن شغلته تحتم عليه ستايل بشكل معين، لأنه بيخاطب كل جمهور الوطن العربي”.
وأما لارتداء الفنان عمرو دياب لحلق، تحدثت قائله: “كل شخص حر فيما يفعله، دول ناس بتشتغل في الميديا وعندهم من الجرأة والشخصية إنهم يقرروا إنهم يكونوا مختلفين”
وبالإضافة إلى ذلك أبدت الإعلامية سهير جودة تحفظًا على إطلالة الفنانين، خاصة أنها لا تتماشى مع ثقافة المجتمع المصري، معبرة إن المسئولين عن الإطلالة يجب ألا يصدموا الجمهور بهذا الشكل.
واشارت سهير إلى عمرو دياب، معلقه: “الستايلست لازم ينتبهوا إني مصدمش الناس أوي كده، لما أي حد بيلبس حلق أنا بتخض، أنا مش مع عمرو دياب في قصة الحلق، لإن اللي بيلبسه من الرجالة بيقل كتير في نظري”.
