كتبت – نورهان درويش
علقت الفنانة حنان شوقي على شائعات زواجها من الفنان طارق الدسوقي، والتي انتشرت خلال الفترة الماضية، قبل أن ينفيها الفنان طارق الدسوقي بنفسه.
وقالت حنان شوقي في تصريحات لها: “طارق الدسوقي صديقي وأخ عزيز عليا وولاده إخواتي وأصحابي وصديق غالي، وكنا مع بعض في مهرجان بابل قبل الإشاعة”.
وأضافت الفنانة قائلة: “اكتشفت أن الناس بتحب تتكلم في سير الناس ويقعدوا ينموا وأن كل حاجة على السوشيال ميديا غير حقيقية، وبالرغم من أني إتسألت عن زواجي من طارق الدسوقي وكتبت في كومنت على صفحتي ونفيت، لكن كانوا مصممين على الإشاعة اللي مطلعينها”.
واستكملت حنان شوقي حديثها: “فيه ناس عاوزة تشغل نفسها بأشياء غير موجودة وتعمل إشاعات على الفاضي، والسوشيال ميديا بقت عاملة زي الجرايد الصفرا”.
وأضافت الفنانة: “أنا مش بحب الهري في كلام الناس ولا على أعراض الناس، وصعب أقعد مع صحاب ليا وأتكلم على حد، ومعرفش القيل والقال ولا أحبه، لكن دايمًا يتقال حنان شوقي اتجوزت”.
و كانت قد أكدت حنان شوقي أنها لا تمانع الزواج مرة أخرى، وتتمنى أن تتزوج وتنجب، وتحدثت بشأن مواصفات شريك أحلامها قائلة: “مش إنتي اللي بتحددي ربنا هو اللي بيحدد وربنا كاتب كل حاجة وربنا كاتب لكل واحد هيتجوز مين واسمه إيه وهيخلف قد إيه، ربنا خيرنا في حاجات كتير لكن لها علاقة بالشر والخير لكن بتلاقي نفسك بتسعي للي مكتوب لك”.
