كتبت – بسمله الجمل
تحدث الفنان محمد أنور عن أغرب المواقف التي يتعرض لها مع الجمهور عندما يصادفهم بالشارع، مشيرًا إلى إنه دائمًا ما يكون هناك ألفة ومحبة تجمعه بالجمهور.
وقال محمد أنور خلال آخر ندوة له: كل الناس شايفيني شبه ابن خالتهم مش ابن عمهم مثًلا، ودي حاجة حلوة وبتبسطني، وفي ألفة بيني وبين الناس وده لأني شبه كل المصريين، والعلاقة بينا بتمتد بإنهم يعزموني على الغدا.
وسبق وتحدث “أنور” عن بداياته والعقبات التي مر بها، قائًلا: إحنا شقينا وتعبنا، ومش بقول كده علشان الناس تقول أنت بتحكي قصة كفاح، بس أنا بقول بجد لو أنت فضلت ورا حلمك بجد هتوصل وربنا هيكرمك.
وأضاف الفنان قائًلا: إحنا كنا بنقعد على القهوة فوق الـ 70 بني آدم، وقعدنا نقل والناس غصب عنها من ضغوطات الحياة سابوا الشغلانة، وفيه منهم كتير راح يشتغل في شركة الكهرباء.
كما علق “أنور” على الجدل حول تعاقده على مسرحية زواج اصطناعي، بعد اعتذار محمد سلام عنها، قائًلا: سلام أخويا وأنا كمتفرج بحبه جدًا، والناس عملت حملة على السوشيال ميديا ولكن الحقيقة إن مفيش بينا أي حاجة، بالعكس هو اللي رشحني للمسرحية، بعد ما اعتذر عنها بسبب حزنه على فلسطين.
