كتبت – روفيدا يوسف
ردّت الإعلامية سالي عبد السلام على الانتقادات التي طالتها عقب نشرها مقطع فيديو، وهي تؤدي الصلاة أثناء وضعها المكياج وطلاء الأظافر، مؤكدة التزامها بالطهارة والوضوء.
وقالت “عبد السلام” في تصريحات لها: “الناس اللي بتقول إني بصلي بالمكياج والمناكير، أنا كنت متوضية قبل ما أحطهم، وكان عندي شغل بره، فمش هأفوّت صلاة المغرب علشان ده، أما العشاء، بصليه في البيت وبشيل المناكير والرموش”.
وأضافت: “ربنا غفور رحيم، ليه الناس غاوية جلد الذات، كل واحد عايز يثبت إنه أحسن من التاني ويمسكله على غلطة، حتى لما حد يعمل حاجة كويسة يلاقوا حاجة ينتقدوه بيها، زي واحدة تقول للتانية: غطي رقبتك الأول، يا جماعة خلينا نشجع بعض على الطاعة مش نحبط بعض”.
واختتمت سالي حديثها قائلة: “آه بنصلي وإحنا حاطين ميكاب، وأنا شخصيًا مشوفتش فتوى بتمنع ده، ومحدش قالّي إنه غلط، طالما متوضية قبل ما أحطه وحافظت على وضوئي علشان ألحق أصلي وأصور شغلي”.
