كتبت – إيمان عمارة
حصلت الفنانة هيدي كرم على حالة من الجدل الواسع وذلك بعدما أعلنت امكانيتها للزواج من شاب على غير ديانتها، مؤكدة أن هذا الأمر لا يعوق زواجها.
وصرحت هيدي كرم فى بودكاست “وفيها إيه”: “في ناس كتير اتجوزت من نفس ديانتها وفشلت، وناس اتجوزت من ديانات مختلفة والعلاقة نجحت، أنا مؤمنة تمامًا أن الدين دا حاجة بيني وبين ربنا، ومهم طبعا أن إحنا نحترم أفكار وأديان بعض ومن هنا بيجي تقبلي ليك”.
وأضافت معلقة: “ما أنا لو مش محترمة دينك ومش محترمه فكرك وعقيدتك، اللي انت اتولدت لقيت نفسك عليها، هقولك متجوزش واحد مش من ديني وابدء أخاف”.
واستكملت “كرم”: “لكن لو احترمت فكرك وعقيدتك هتقبلك في الحياة بكل الأشكال، صديق وزوج وحبيب واتقبلك أم، ممكن تبقى أم مسيحية متجوزه من مسلم ومخلفه أولاد مسلمين”.
وتابعت: “هو هيتقبل أن أمه مسيحية بتروح الكنيسة في الأعياد وبتصوم صيامها، وهي هتتقبل أن أولادها مسلمين وبيروحوا الجامع وبيصوموا صيامهم، انت لازم تعيش في تقبل الآخر لأن كل المشاكل والحروب والعنف طلع بسبب عدم تقبل الآخر، لازم نتقبل بعض معندناش حل تاني”.
