كتبت – إيمان عمارة
رغب المطرب رامي جمال على دعم صديقه الفنان تامر حسني بعد إجراء ابنه آدم عمليتين جراحيتين، حيث قام بنشر صور لهم عبر حسابه الشخصي بموقع “إنستجرام” وعلق عليها قائلًا: “مليون سلامة بأمر الله ولطفه وحفظه للغالي ابن الغالي، دعواتكم”.
ونشر الفنان تامر حسني عبر حسابه الشخصي على فيسبوك، منذ قليل عن خضوع ابنه آدم لعمليتين جراحيتين كبيرتين بشكل مفاجئ، إثر انفجار الزائدة الدودية، موجها رسالة شكر لجمهوره على كم الدعوات التي تلقاها لشفاء ابنه.
وعلق “حسني” قائلًا: “على تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بسو بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد و خلاص”.
واستكمل كلامه قائلًا: “لا روحوا اكشفوا كويس واعملوا سونار على البطن و الزايدة مرة، و٢ عشان برضو ساعات مش بيبان، ولازم الدكتور يضغط بطريقة معيّنة، تقريبًا أقوى شوية عشان يعرف إني سمعت كتير اليومين دول إن الزايدة خادعة”.
وأضاف: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتايج تكون خير يارب و يعدي مرحلة الخطر”.
كما تابع: “اشفيه وعافيه يارب، هو وكل ولادنا بس هو راجل وهيتحمل وإن شاء الله ربنا يكرمه و يعافيه و يحفظه هو و إخواته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق”.
واستكمل: “متشكر أوي يا جماعة شكراً لكل اللي اهتم وسأل عن ابني، ودعاله هنا أو على التليفون واللي طلعوله صدقات لشفائه من غير مايعرفونا شخصيًا، أنا مش لاقي كلام أشكركم بيه، وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم”.
