كتب- أحمد سامي
أعلنت الفنانة مريم سعيد، عن أسباب غيابها عن الفن خلال الفترة الماضية عن الساحة الفنية، مؤكدة أنها لم يُعرض عليها أعمال للمشاركة من خلالها، متمنية العودة مرة أخرى بأعمال فنية تنال على إعجاب محبيها.
وقالت مريم سعيد، خلال تصريحات إعلامية: “أنا مش مختفية بس لما بيتعرض عليا شغل بشوف الدور اللي ينفع أقدمه للمشاهد“.
وأضافت مريم : “الفنان للأسف مش بيكون في إيده يشتغل هو طول الوقت مستني الناس تشغله، زي الإنتاج والمخرجين“.
وأكملت الفنانة: “محمد مش سبب إني ما اشتغلت لأن محدش بيملك لحد الرزق، أنا مش مؤمنة أن حد يقطع رزق حد، ومظنش أن محمد سامي فاضي وقاعد ليا عشان يقطع رزقي“.
واصلت: “هو فعلا حصل مشكلة ولكن أنا مش أول واحدة في الوسط حصل مشكلة بينها وبين حد، ومعتقدش ممكن توصل أن حد يقطع رزق حد“.
واختتمت مريم سعيد تصريحاتها: “للأسف حاليًا مفيش تواصل بيني وبينه، وأعتقد مش هينفع نشتغل مع بعض تاني، لأن لازم أكون مرتاحة مع اللي هشتغل معاهم، وأنا وهو خلاص الجو اتعكر بينا ومش هينفع اشتغل معاه، لكن بتمنى ليه التوفيق“.
ويذكر أن مريم سعيد كانت قد شاركت في مسلسل حلوة الدنيا سكر، وسط نخبة من أبرز الفنانين، منهم هنا الزاهد، محمد الكيلاني، محمود عبد المغني، أحمد سلطان، محمد الشرنوبي، عمر الشناوي، وإخراج خالد الحلفاوي.
