الشاعره / ندي الدهشوري
اهى دى اللي فوق كل اعتبار
دى إلى أبيع الدنيا كلها وتفضل مرفوعه على الرأس ومفيهاش اختيار
دى اللي لو حد فكر يقرب منها اقلب حياته نار
ممكن أقبل كل حاجه في الدنيا إلا دى مفيهاش اعتذار
بنعيش حياتنا عشان نرفعها في العالي ومتبقاش في النار
فتيجي انت وتقولي ليه كرامتك فوق كل اعتبار
لسه مفهمتش برضه أن الدنيا دي عباره عن اختبار
وإلى ميحفظش كرامته في الدنيا دي يبقى يا غادر يا غدار
عايش حياته سبهلله وسايبها للطيش والدمار
مخدش خطوه في حياته ولا عارف ياخد قرار
ناسي نفسه ودنيته وحياته ماشيه زى الغبار
اهو دا اللى مش عارف يحافظ على كرامته ويحطلها اعتبار
قولى امته هيبقالك اعتبار
قولى امته هتاخد قرار
لازم تعرف ان محدش هيعملك حساب طول ما انت مش عامله لنفسك ومش عارف تاخد قرار
اصحى وفوق واعمل لنفسك حساب واختار
ودايما خلي بالك ان مهما كان مكانتك عندى هتفضل كرامتي فوق كل اعتبار
