كتبت – نرمين احمد
علق الفنان محمد جمعة على الانتقادات التي تعرض لها مسلسله الأخير “سيب وأنا اسيب”، بسبب وجود ألفاظ غير لائقة، حسبما وصف البعض.
وقال محمد جمعة: “أي حد بينتقد أي عمل فني دا شيء يُحترم طبعا؛ لأنه رأي الناس والنقاد، يبقى إزاي أقول لحد بلاش تنتقدني؟ اللي عايز ينتقد ينتقد ودي حرية ودا المطلوب”.
وتابع: “بالإضافة لأننا بنقدم عمل، والعمل دا يخضع للنقد وله مشاهدين لو معجبهمش يبقى هما صح و إحنا غلط ولازم نشوف النقد و نعدل من السلبيات”.
جدير بالذكر انه قد سبق وكشف محمد جمعة عن رأيه في انتقاد الجمهور لـ أجور الفنانين المرتفعة وقال: “الظروف العالمية الاقتصادية سيئة والناس ظروفها صعبة، لما تيجي تقول الفنان بياخد رقم فلكي من حقه يتضايق”.
واختتم: “كما انه محدش بياخد حاجة لا يستحقها، ومفيش منتج هيدي لممثل مليم إلا وهو بياخد من وراه عشرة، وفيه فنانين بياخدوا ملايين وتانيين آلاف”.
