كتبت – داليا حسام
نشرت الفنانة نسرين طافش، منشورا مطولا لها عبر حسابها الرسمي على الموقع الشهير “إنستجرام”، تستنكر من خلاله أفعالا مخزية في الواقع الذي نعيشه.
حيث كتبت “طافش”: “قليل ما أفتح قلبي واحكي بالسوشال ميديا عن شي حساس بالنسبة لي، اللي عم شوفوا بالعالم من أحداث شيئ مخزي إنسانيا وضميريا وروحيا مو بس بفلسطين و الحروب بالعالم”.
وأكملت: “حتى بيننا نحن.. كل شي عم بصير عبث وبلا أجوبة شافية.. كل جواب يفتح ألف باب للسؤال على مصراعيه.. نظريات متضاربة.. تحليلات متناقضة”.
وتابعت: “جماعة ما دخلني.. جماعة كبر عقلك.. جماعة التضحية.. جماعة الفلاسفة.. جماعة البقاء للأقوى.. جماعة التوازن.. جماعة الندب.. جماعة الحكماء.. جماعة المابعرف.. جماعة أنا بعرف كل شي.. جماعة اللهم أسألك نفسي.. جماعة هيك قالولنا.. جماعة الحالمين.. جماعة الواعين و جماعة النائمين.. و صراعات و انقسامات حتى بالصف الواحد”.
وأردفت: “و كل حدى عندو قناعة.. وإیمان مختلف.. ناس من عالم الوعي والدين و السياسة والحقوق.. والإنسانية والإعلام والفن.. و الطبخ والطب و البطالة”.
ونوهت: “كللللللن يغني على ليلاه.. كلوووو مفكر عندو الحقيقة المطلقة.. كلووووو خاتم المنهج.. كلوووو بدو يلغي الآخر.. بعد كللللل هالحروب إلى أصلها حروب بداخلنا بين حالنا و بين الايغو تبعنا.. بين العتمة والنور، بين الحقيقة و الوهم و بين بعضنا مين الأضل والأقوى”.
وأضافت: “حتی موازين المفاهيم انقلبت.. شو اللي وصلنا لهون ؟ لوين رايحين ؟ و كيف رح نلاقي السلام و نحن هيك ؟ تصبحون على واقع أفضل”.
