كتبت – اسيل عادل
تحدث أحمد عبد الوهاب مؤلف مسلسل خالد نور وولده نور خالد عن الهدف من تسمية العمل بهذا الاسم المختلف قائلًا: “حبينا نختار اسم مميز للمسلسل، غير أسماء مسلسلات رمضان”.
وأضاف: “وده لأن الفكرة نفسها مميزة إن شيكو يطلع ابن كريم، الموضوع غريب فقولنا لازم الاسم كمان يكون غريب، إحنا حابين إن الناس تتلخبط، وده مش أول تعاون بيني وبين كريم محمود عبد العزيز، بنحب بعض جدًا وفاهمين بعض”.
وتابع: “واتبسطت جدًا في الشغل مع شيكو، ومركز في كل تفصيلة، وطبعًا الإفيهات مكتوبة لكن كل واحد فيهم بيقوله بطريقته، وكانوا أحيانًا بيضيفوا بعض الإفيهات بس مش بيخرجوا برا سياق الدراما”.
وعلق عبدالوهاب عن مقارنة الجمهور للعمل بمسلسل أشغال شاقة قائلًا: “المقارنة بين أشغال شقة وخالد نور وولده نور خالد مش صح، لأن بالرغم من الاتنين كوميدي، لكن ده كوميدي اجتماعي”.
واستكمل: “التاني مبني على فكرة غريبة شوية، لكن طبعا الناس بتتكلم على فكرة إن شيكو وهشام كل واحد بعمل لوحده السنادي”.
ويُعرض حاليًا مسلسل خالد نور وولده نور خالد، على مدار النصف الثاني من موسم رمضان.
ويُشارك في بطولة العمل كلًا من: الفنان كريم محمود عبد العزيز، شيكو، آية سماحة، شريف رمزي، وغيرهم، والعمل من إخراج محمد أمين.
