كتبت – بسمة غربية
استضيفت الفنانة هاجر الشرنوبي، في برنامج الستات، الذي تقدمه كلًا من الإعلامية سهير جودة ومفيدة شيحة، وناقشت خلال الحلقة العديد من الموضوعات المختلفة، وكشفت عن تفاصيل تعرضها للسرقة من الخادمة الخاصة بها.
قالت هاجر خلال البرنامج: “محمد الشرنوبي ممكن يبقى عمي أو جدي، هو يبقى ابن عمة بابا يعني المفروض عمي بس هو أصغر مني، وعيطت في كتب كتابي عشان كان نفسي بابا الله يرحمه يكون موجود معايا”.
تابعت هاجر: “كان نفسي اسمي الفني يكون هاجر مصطفى الشرنوبي بس كان اسم طويل، وبالنسبة لفاروق الشرنوبي بحبه جدا ودايما بيكون موجود في كل أفراح العيلة ويقعد يغني معانا بالعود”.
وأكملت الفنانة: “دخلت الفن من تحت الصفر، ودرست في المعهد العالي للفنون المسرحية، وكنت بعمل كاستينج كتير، ومشاركتي في مسلسل “حنان وحنين” مع عمر الشريف كان صدفة، ووقوفي أمامه كان حلم وحاجة متتصدقش”.
كشفت هاجر عن تفاصيل السرقة قائلة: “بنت الشغالة بتاعتي كلمتني قالتلي يا هاجر الحقيني قبضوا على ماما وهي بتبيع الحلق بتاعك، من أول دقيقة في التليفون مع الضابط قولتله أنا متنازلة عن حقي في سرقة الشغالة ليا”.
وأردفت الفنانة: “مش بحب حد يتضايق بسببي وممكن أجي على نفسي عشان حد، مرضيتش أبلغ عن الشغالة بتاعتي بعد رصيد سترها ما خلص واتكشفت لوحدها”.
وأختتمت هاجر كلامها قائلة: “جوزي الحالي طلب إيدي من ابني، وهو بيحبه جدًا وعوض ابني عن باباه المتوفي”.
وجدير بالذكر أن شاركت هاجر الشرنوبي في موسم رمضان الماضي من خلال مسلسل “ليل أم البنات”، بطولة الفنان سهير رمزي، وعدد من الفنانين، أبرزهم، منة عرفة، محمد مهران، فريال يوسف وغيرهم من الفنانين.
