كتبت – ناديه ديهوم
يعاني أهالي قرية القضاة والقري والعزب المجاوره لها من مشكلة الطريق الترابي، الطريق الذي يحدث عليه يومياً “طريق القضاة كفرصقر الرئيسي” العديد من الحوادث التي تؤدي لأذية المواطنين وتدمير المركبات، علي الرغم من أن قرية القضاة هي القرية الأم لمدينة كفرصقر الا انها تفتقر لاهتمام والعنايه من جانب مجلس مدينه كفرصقر.
طريق كفرصقر
قام مجموعه من سائقي اتوبيسات النقل بتقديم آلاف الشكاوي للمجلس لرصف الطريق أو اتخاذ أي قرار يحسم الأمر لكنهم لم يتحركوا، وظلوا يتلقون الشكوي بدون أي رد فعل، حتي قام بعض السائقين من رفع الاجرة بحجة صعوبة الطريق السير عليه، ويؤدي لتحطيم الميكروباص.
وبالرغم من جهود الرئيس عبدالفتاح السيسي في رصف الطرق والاهتمام ببنية الدولة الا أن المجلس وكل موظفيه في سبات عميق.
فيقول السائق “ا.م” احنا كل يومين في المجلس بنقدم في شكاوي وبنعمل ورق وهم ولا هنا محدش بيسمع منا ولا حد سائل فينا”.
طريق كفرصقر
واضاف السائق “ن.م” الطريق بقا كله زباله و طوب لا عارفين نمشي عليه والمشوار بـ 35جنيه بصرف علي العربيه 150 جنيه ومش عارف اعمل أيه دا مش يرضي ربنا”.
وعلقت “م.ح” إحدي اولياء الأمور “انا بنتي بتسافر يومياً والاجرة اتحولت من 3.50 جنيه لـ 5 جنيه والسواقين بيقولوا الطريق بايظ وانا مش مقتدرة ادفع كل يوم 10 جنيه اجيب منين ولا اروح فين الحقنا يا ريس احنا هنشحت”.
ويقول السائق “أ.ش” احنا نعمل إيه شكاوي وقدمنا وفلوس وبندفع احنا تعبنا مش عارفين نروح فين ولا نيجي منين”.
واضاف “م.ع” احنا السواقين آخر ما زهقنا لمينا فلوس من بعض وجبنا نقلتين تراب أسود نفرده علي الطريق عشان نعرف نمشي طالما الحكومه مش قادرة والمجلس قافل الباب في وشنا”.
طريق كفرصقر
واضافت الطالبه “م.ع” نناشد محافظ الشرقيه ممدوح غراب بالنظر لأهالي القري وحال الطلبه المسافرين يومياً الغير قادرين علي دفع الاجرة واخذ اجراء قانوني ضد جميع موظفي مجلس مدينه كفرصقر المهملين المتكاسلين عن اداء عملهم.
