كتبت: صفا هشام
يتسال أهالى مركز مشتول السوق على السوشال ميديا ” هل كما يوجد كسر فى الماسورة الرئيسية لمياة مشتول السوق سيوجد كسر فى فاتورة المياة آخر الشهر ” .
مشتول السوق
وتلقى هذا السؤال العديد من إجابات أهالى المركز ، حيث قال خالد المصرى ” اقسم بالله العظيم ما فى ميه مش العيفي الماسورة العيب في المسؤول الذى لا يراعى ضميره ” ، وقال الحداد عصام الدين ” اقسم بالله العالم الكافرة جابولى فاتورة 43 ألف جنية والفواتير عندى القديمة وكنت بدفع والاخر قالولى ادفع 300 جنية كل شهر حسبى الله ونعم الوكيل كل ده خارج الوطن والبيت مغلق شقة كلها سجاجيد ولا مسح ولا بلى ازرق لعنة الله على الظالمين ” .
وقال إسلام محمد ” ابقى قابلنى الماسورة تنكسر واحنا هنشيل حق تغيرها ده لو غيروها اصلا بس كده كدا هنشيل ” ، وقالت هدى امين ” بيجيبوا الشهر مقدم ” ، وقال أحمد جبر ” يا حبيبى الغالى دا محصل فواتير المياة وصل يحصل فاتورة أغسطس الجارى مع مطلع اول يوم فى الشهر يعنى واخدين حقهم المزعوم قبل ما ينتهى الشهر تحب اصور لك الإيصال ” .
وقالت أيضا هاجر موسى ” مبدل ما احنا بنهزر المفروض كلنا نرفع شكاوى للمحافظ ولا نواب سائلين ولا حد سائل ونعمل تريند يلف مصر كلها محدش بيشوف اللى على الجروب غير اهل البلد ” ، وقالت اسماء الحسينى ” لا مفيش الكلام دا فلوسهم هياخدوها كاملة واحنا نخبط راسنا فى الحيط ” .
مشتول السوق
وقال عباس الجد ” لا طبعا الفاتورة هتزيد مهم جابوا ماسورة وخبير من ألمانيا يركب الماسورة وناس ومعدات تفحت على الماسورة وكل ده على الفاتورة ” .
وهناك أيضا العديد من الاجابات على هذا السؤال وهذة الاجابات تدل على مدى المعاناة التى تعيشها الأهالى، ويرجو أهالى مركز مشتول السوق الأستاذ الدكتور ممدوح غراب محافظ الشرقية بسرعة التدخل والاستجابة فى مطالبهم وهى التخفيض فى فاتورة المياة ومراعاة الأهالى نظرا لمستوى معيشتهم والضغوطات التى يواجهوها فى حياتهم .
