كتبت – ريهام محمد
علق المنتج أحمد السبكي على الأنتقادات الموجهة لفيلم الملحد وذلك بعد طرح البرومو الخاص به أمس، مشيرًا إلى أن هناك تربصا بـ الكاتب إبراهيم عيسى على وجه الخصوص.
وأكد أحمد السبكي: “الناس بتشتم الفيلم بشكل أساسي لأنه من تأليف إبراهيم عيسى هما مش بيحبوه وبيقولوا عليه كافر ومرتد من وقت قصة الإسراء والمعراج، وده راجل مثقف والناس دي مش فاهمة”.
وتابع السبكي: “مفيش الكلام ده خالص إحنا مع الدين مش ضده وإبراهيم عيسى بيقول للناس أنا مع الدين، السلفيين بيكفروا أي حد مش مؤمن، والناس هيعجبها الفيلم أوي والإنتقادات دي ترويج ونجاح للفيلم، الفيلم لو كان فيه حاجة خادشة للدين أو لمعتقداتنا كان هيتمنع من الرقابة”.
وطرح البرومو الرسمي لفيلم الملحد أمس، وظهر من خلال البرومو أن فيلم الملحد سيناقش فكرة الإرتداد عن الدين والأفكار التي تأتي لبعض الأشخاص، تشككهم بدينهم وبفكرة وجود إله وهو الله.
بالإضافة لوجود العديد من الجمل الحوارية خلال برومو فيلم الملحد، مثل: اللي يعرف حد ملحد ومرجعش يقتله، الملحد يسكت خالص يخلي فكرته في جوفه، أنت ابني سواء كنت مؤمن ولا كافر، لما ابني يكفر المفروض أحضنه وأبوسه.
