كتبت ـ بسمة البوهي
أشعل المطرب الشعبي رضا البحراوي حفلًا غنائيًا ضخمًا، من حيث الجمهور والتجهيزات داخل جولف بورتو مارينا ضمن فعاليات مهرجان بورتو بيتس، وصعد على خشبة المسرح عقب عاصفة من هتافات الجمهور التي تطالب ببدء حفله، وافتتح الحفل بأغنية “سيبت كل الناس” لجورج وسوف.
وأحيا البحراوي الحفل بعدد كبير من أغانيه الطربية المميزة منها “سمعت كلامكم عني، النمر، سيبوني محدش ليه خير عليا، أنت يا جدع، عملت إيه يا زمن”، بالإضافة إلى أغنية “المقص”، وغيرها ممن قدمها تلبية لرغبات الجمهور.
وجمعت أغنية”المقص” بين الفنان تامر حسني، والمطرب الشعبي رضا البحراوي، التي طرحها من فيلمه الجديد ريستارت، وجاءت كلمات أغنية المقص، على النحو التالي: بغني وأقول موال عن صحبة الأندال، لما صاحبنا آمنا ولما عاشرنا ندمنا بس خلاص اتعلمنا.. يا معانا يا مش معانا.
مالناش في النص نص، عايز تقطع علاقتنا خد يلا المقص وقص، ناس غريبة جدًا ولا أي شيء كان عاجب، نديهم عنينا يقولوا طب ما تجيبوا الحواجب، مش مهم الوجع، المهم عرفنا مين فينا ندل ومين جدع، إحنا آه جدعان وناس أصيلة وطيبين، بس عند الكرامة لأ ولا بيفرق هنخسر مين، إحنا ماسبناش حد كويس هو اللي مامسكش كويس، بس خلاص.
