كتبت – إيمان مجدي
نشر الفنان تامر حسنى صورة من كواليس تصوير فيلمه الجديد “ري ستارت”، والذى من المتوقع أن يعرض بعد موسم عيد الفطر المقبل، وقال تامر حسنى: “انتظرونا إن شاء الله في ري ستارت، أعتقد الصورة قايلة كل حاجة”.
ووجه الفنان تامر حسني رسالة لجمهوره، مؤكدا أنه مستعد لسماع مشاكلهم جميعًا، ومحاولة إيجاد حل لها معهم، وذلك بصفته إنسان مر بجميع مواقف الصعود والهبوط في حياته، ومشاكل عديدة ونجاحات أيضًا.
وكتب تامر حسني منشورًا عبر حسابه الرسمي بموقع “إنستجرام”، وعلق: “أولا أنا فرحان أوي بمتابعتكم للكلام اللي بقولهلكم من قلبي في أي بوست إيجابي، بحب أوصله ليكم، وفي نفس الوقت بشوف ردود من ناس كتير تعبانة ومُحبطه من ظروفهم ومن حال الدنيا”.
وتابع: ” شوفوا بقى، على قد مشواري ومعاناتي اللي شوفتها في حياتي من وأنا طفل فقير ضعيف شاف كل ظروف ومواقف الإحباط، لحد ما كبرت وبدأت أحقق أحلامي وأواجه نفس الحروب”.
وأكمل: “ولكن من نوع آخر وأشرس، شوفت حاجات كتير ببقى نفسي أقولهالكم أو بمعنى أصح عرفت أسرار كتير في التعامل مع الحياة والأزمات، نفسي أوصلهالكم كلها، واثق إنكم محتاجين حد يحكيلكم ده من قلبه وينفعكم به، بشوف ده دايما في ردودكم عليا”.
