كتب – أحمد عبد الفتاح
كشفت الفنانة إلهام شاهين عن فقدانها للأمومة وتأثير ذلك عليها، إلى جانب رأيها في زواج المسلمة من رجل على غير ديانتها.
وقالت إلهام شاهين: “إنها راضية جدًا عن قرارها بعدم الإنجاب وراضية جدًا أني ما خلفتش، أنا مش قد المسؤولية وكفاياني مسؤوليات وعاوزة أعيش حرة وأعيش لفني لأن الفن بياخد وقتنا كله وأحيانا بنشتغل 20 ساعة.. امتى الواحدة تمارس أمومتها وتاخد بالها على أولادها، لازم يكون فيه اختيار ومفيش حد بياخد كل حاجة من الدنيا، ومش ندمانة أني أجهضت مرتين”.
وتحدثت الفنانة: “الأمومة عطاء وتضحية، وهذه الأمومة ممكن أمارسها مع أخواتي وولاد أخواتي وأصحابي المقربين”.
وأشارت إلهام قائلة: “لو عقلي وافق ممكن أتجوز جواز مدني.. وبما أن مفيش في مصر جواز مدني ممكن أسافر بره مصر.. ولو هما مش بيعترفوا بالأطفال من الجواز المدني أنا كده كده في سن مش هخلف فإيه اللي يضر.. بس ده في حالة لو حبيت الحب اللي يخليني ما أقدرش أبعد عن هذا الرجل.. لكن لو أنا صغيرة ما كنتش هوافق”.
