آية عصر
أدلى المطرب عمر كمال العديد من التصريحات تضمنت الكشف عن مواصفات الفتاة التي يريد أن يربط اسمه بها، ورأيه في الجواز العرفي، لافتًا أنه يريد أن يتزوج ولكن لا يريد أن ينجب أطفال.
وصف عمر كمال خلال حواره مع الإعلامية سالي عبد السلام في برنامج “حد النجوم” مواصفات الفتاة، قائلًا: “عايزها تكون طيبة وبنت حلال وعايز واحدة شغلها في الحياة عمر، أصل هتشتغل ليه تهتم بيا”.
وأوضح “كمال” سبب عدم رغبته في الإنجاب ورأيه في الزواج العرفي قائلًا: “حبيت مرتين لكن مكنش في نصيب، والجواز العرفي أحسن وكويس لأن الناس بتدخل في كل حاجة بتبوظها”.
وتابع: “أنا مش عايز أخلف مش بحب، الأطفال مسئولية تقيلة أني أجيب حد للحياة وأكون مسئول عن زعله وفرحه ومش هعرف أربيه، أنا مش فاضي أربي ومش هعرف هبقى حنين أوي ومش هعرف أخد موقف، أنا بدلع ولاد إخواتي زيادة عن اللزوم”.
وأتم “كمال” حديثه قائلًا: “أنا مش عايز أخلف عشان لو حبيت انفصل انفصل بسهولة، أنا إنسان مزاجي والشغل بيتحكم في مزاجي جدًا، وكل يوم بصحى بحال وممكن أغنية أكون منزلها ومتنجحش يبقى مزاجي زي الزفت، وممكن أزعق وأكسر المكان”.
