تحية محمد
هو ايه حكاية الستات اللي فجأة تلاقيها تزعق وتعصب ومش متحملة نفسها، واليأس ظاهر علي ملامحها
الست لما توصل للمرحله دي بتكون قبلها في الغالب عملت حاجه من دول أو اكتر
ضغطت علي نفسها كتير
حاولت ترضي كل الاطراف في البيت وفي الشغل او في علاقتها عموما
يمكن تكون بذلت مجهود كبير بس لقيت النتيجه ضعيفه ف حست بإحباط و بالا جدوي
في الغالب بتكون اهملت في نفسها لدرجه انها مش لاحقه حتي تقعد مع نفسها شويه
ممكن يكون كل مسئوليه البيت هي بس اللي ب تتحملها ومفيش اي نوع من الدعم يوصلها
ده غير كلمات اللوم والتقليل من دورها واللي بتعمله واللي تسمعه كل يوم وطبعا ده وجعه مش سهل
محتاجه احتياجات نفسيه زي الحب والتقدير والاهتمام و الاحتواء و الاحترام ونتيجه لعدم تسديد الاحتياجات دي، فهي متألمه ومش تعبر عن ده
وفي الغالب سايبه جروحها تنزف جواها من غير ما تطلب مساعده، زي بالظبط لما تتعور في المطبخ وتكمل تعمل الاكل وتغسل المواعين ولا تسأل في جرحها
علشان كده
لو فيه وحده من الستات اللي تعرفهم يمرون بالحاله دي
أرجوكم
بلاش لوم فيها، اعتقد هي شبعانه لوم ونصائح،
تعاطفوا معها وقدروا مشاعرها،
ساعدوها تحب نفسها وتعرف ان من حقها تاخد بالها من نفسها،
حاولوا تكونوا سند حقيقي .
