كتبت – أسماء حليمة
خرجت الفنانة بسمة بوسيل عن صمتها لأول مرة، وتحدثت عن أسباب انفصالها عن المطرب المصري تامر حسني، موضحة أن علاقتهما مستمرة حتى الآن.
وقالت بسمة بوسيل في تصريحات تليفزيونية عبر برنامج “ع المسرح”: “إحنا وصلنا لمرحلة مكناش بنعرف نتكلم، طبيعة شغل تامر كمان صعبة ودايما محتاجة مجهود”.
وأضافت بوسيل: “اكتشفت إن المشكلة فيا أنا بتعلق جدًا بالأشخاص، ودي أزمتي، وروحت 3 مرات عمرة في سنة واحدة، أجري على الكعبة واشتكي والحمد لله بقيت راضية”.
وتابعت بسمة: “لما كنت بقعد مع نفسي وأراجع شريط حياتي كنت أقول ليه يحصل فيا كده! وهو أنا عملت إيه يا رب عشان يحصل فيا كل ده؟ وكنت ببقى متضايقة جدا، وحصل خضة ليا بعد طلاقي ووفاة والدي”.
