كتبت – آلاء رضا
كشف الفنان محمد فهيم عن خوضه تجربة سينمائية خلال الفترة المقبلة، وذلك بعد النجاح الكبير الذي حققه بمسرحية شارلي تشابلن، والموسم الرمضاني الماضي 2023 في مسلسل عملة نادرة.
وقال محمد فيهم، لسه متعاقدتش على دراما رمضان المقبل، ولكن دخلت مشروع سينما جديد الفترة دي وإحنا في مرحلة التحضيرات، وإن شاء الله تجربة جديدة تعجب الجمهور.
وأضاف: “أنا بحب الفن، بحب أقدم فن مش فارق سواء قدمته على خشبة مسرح ولا شاشة تلفزيون، المهم أنه يكون فن هادف”.
وعلق فهيم، على أزمة الفنان بيومي فؤاد ومحمد سلام، بسبب مسرحية زواج اصطناعي، قائلًا: “مفيش خلافات والاتنين أصلًا حبايبي وإخواتي، واللي في العالم الافتراضي اللي هما صفر”.
واستكمل: “بيشحنونا بحقن أن نبقى ضد بعض ويفهمونا أن في خلافات، هما عايزين يفرقونا طول الوقت بس مش عارفين، فمبيصدقوا أن يلاقوا اختلافي في طريقة التعبير ويستخدموها ويحولها إلى خلاف، ويشحنونا ونبقى ضد بعض لغاية ما نبقى مجتمعات صغيرة ومالناش كلمة”.
وتابع: إحنا المفروض مايلهوناش في العالم الافتراضي، ونركز على أرض الواقع، خلونا نفوق شوية ونسيب أي كلام يعمل بينا أي خلاف، ونركز أن عندنا قضية فلسطينية وكلنا وراها”.
واختتم: “مفيش حد يقدر يتهم حد أنه ضد القضية الفلسطينية، دي جريمة لو حد قال كده، لأن إحنا متربين عليها وعايشينها هي جزء من روحنا وتكوينا”.
