كتبت – إيمان مجدي
انتهى الفنان تامر حسني من طرح ألبومه “هرمون السعادة”، عبر موقع يوتيوب ومنصات الموسيقى المختلفة، حيث كتب عبر حسابه بتطبيق “إنستجرام”: “دلوقتى بعد انتهاء اصدار البوم “هرمون السعادة ” تقدروا تسمعوه كاملًا على جميع منصات الاستماع واليوتيوب”.
وعلق الفنان تامر حسني على تصريحات ترك آل الشيخ بتحقيق فيلم بحبك عام 2022 مليار جنيه في المملكة العربية السعودية، وكتب تامر حسني على صفحته الرسمية: “خالص الشكر لمعالي المستشار تركي آل الشيخ، نصرتني يابو ناصر”.
وأضاف الفنان: “بعيداً طبعاً عن إن الرقم ده بيروح لموزعين الخارج عشان محدش يفتكر إن المنتج أو الأبطال بياخدوا الرقم ده، لأ ده رقم بيتوزع على موزعين الخارج في العالم كله والفنان له اجر ثابت”.
واختتم تامر حسني: “المهم، الكثير كان بيشكك، في إيراداتي وكتير انتقدوا الفيلم قبل ما ينزل لمجرد انه تأليفي وإخراجي وموسيقتي التصويريه، كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصه عن رقمه القياسي، تيجي بقى من أبو ناصر نفسه أمام العالم كله، ليثبت إن كان كلامي صح و إني مش بقول غير الحق ولا مضطر أقول غير الحق”.
