كتبت – إيمان مجدي
حلت الفنانة دنيا سمير غانم ضيفة على بودكاست BigTime، الذي يقدمه الإعلامي عمرو أديب والمطربة أصالة وكشفت عن العديد من أسرار حياتها وعن حزنها على فراق والديها.
وقالت دنيا سمير غانم: “حزني عليهم مش سهل تجاوزه، وبعد تجربتي اكتشفت أن الحزن مش زي اللي بنوريه لكم في الأفلام”.
وتابعت: “بعد وفاة أهلي كنت عايزة أنزل اشتغل لأني كنت متبرمجة أن الفن همًا، وكنت بطلع حزني في الأغاني وكنت بدمع كتير غصب عني بكون عايزة أعيط، لكن بمسك نفسي وأغني وأرقص”.
وتحدثت دنيا سمير غانم عن شقيقتها إيمي، وقالت: “فينا حاجات من بعض زي إننا بنحب الناس، لكن طباعنا مختلفة، لأن هي عصبية وعصبيتها بتضحك، وأخدت خفة الدم من بابا، إنما أنا هادية، وإحنا على طول مع بعض، وبعد وفاة والدينا سكنت جنبي”.
وعن زوجها رامي رضوان قالت: “زوج مثالي بزيادة جدًا، وبقيت أخفف الحدة دي شوية، وهو بيشجعني وبيسندني ويدعمني في شغلي، وهو رقم واحد في حياتي، ومقدر إن الفن مهم بالنسبة ليا”.
وأضافت عن الاختلاف بين الأجيال: “السوشيال ميديا بوظت حياتنا والدنيا كلها، رغم منافعها في شغلنا، والحياة بقت مرتبطة بها، ومش عارفين نعيش بدونها”.
وأكملت: “خاصة مع الأطفال، وعاملة حدود لبنتي عليها، وأخرها ساعة واحدة، ومش بدور على تعليقات الناس إلا لو عن عمل”.
