كتبت – إسراء خالد
كشف الفنان حسن الرداد عن أسرار وخفايا، أثرت بشكل عميق في تكوين شخصيته طوال السنوات الماضية، وذلك خلال لقائه في برنامج “الممر” بأبوظبى.
وصرح قائلًا: “الزمن هو كل حياتي، هو اللي شكّلني، مررت بتجارب كتيرة خلّتني أحب الماضي وأحترم كل لحظة عشتها، الواحد أحيانًا بيفكر إنه سيد قراره، لكن الحقيقة إن الزمن أقوى من أي إنسان، هو اللي بيلعب لعبته”.
وإستكمل حدثه متأثرًا: “الزمن خد مني حاجات كتير أوي، فقدت أخويا وأبويا وأمي، وده غيّر فيّ حاجات كتير، وغيّر شكل شخصيتي تمامًا”.
وردّ حسن الرداد على الصورة المنتشرة على السوشيال ميديا مع عدد من الفنانين أثناء سفرهم الى أميركا، لتشجيع النادي الأهلي في كأس العالم للأندية، حيث كان قد حسم الجدل حولها.
وقال مؤكدًا أن الصورة قديمة ولم يسفر الى أميركا، وظهر في فيديو نشره عبر صفحته الخاصة على “فيسبوك”، مبينًا الأمر بالقول: “في حد منزّل ليا صورة مع فنانين كبار وبيقول إن إحنا في أمريكا ورايحين نشجّع النادي الأهلي في كأس العالم”.
وواصل كلامه: “وطبعًا عارفين النتيجة إن النادي الأهلي هيخسر عشان الفنانين رايحين يشجعوا، دي صورة قديمة وأنا مش في أمريكا، أنا في مصر وده تقل دم وسماجة من اللذيذ اللي كتب الموضوع ده”.
