كتبت – آلاء رضا
تحدثت الفنانة زينب غريب عن عمليات التجميل، خلال تصريحات خاصه له، مؤكدة أنها ليست ضدها ولكنها اخيتار شخصي، بجانب حديثها عن إطلالتها البسيطة التي تعتمدها في أغلب المناسبات الفنية.
وقالت زينب غريب : “أنا بحب الفاشون والبساطة جدًا، والبساطة شيء صعب واللي قالتلي كده ناهد نصر الله، بالنسبة ليا بعتز دايمًا إني ألاقي رابط صغير بين شخصيتي وإني متكلفش ولكن لكل وقت أذانه”.
وعلقت زينب غريب: “عمليات التجميل هي اختيار شخصي وجميلة لكل شخص، وكل شخص يعمل اللي يريحه طالما هيشوف فيها إنه جميل ومرتاح، وفيه ناس بتحب تبقى بسيطة وفيه ناس بتحب تجمل نفسها بالطريقة اللي شايفة أنها هتبقى جميلة بيها”.
وأضافت: “أنا مش معترضة على عمليات التجميل بالعكس، ولو جت في يوم من الأيام لقيت نفسي محتاجة أحس بشعور معين أنا مش هتردد، وأظن إننا محتاجين نشوف ليه الناس بتخضع لعمليات التجميل ونسمع أكتر، خاصة إن كلنا بنسعى للجمال وفي سلوكنا”.
وأوضحت غريب، عن الشخصية التي تتمنى تقديمها في مشوارها الفني، قائلة: “نفسي أقدم صعيدي وفلاحي أوي، وأنا بعشق الحاجات اللي بتمثلنا أوي، ونفسي أقدم حاجة ليها علاقة بالفاشون”.
أعمال زينب غريب
ويُعد مسلسل 100 وش، هو أبرز أعمال الفنانة زينب غريب، وتعاونت من خلاله مع الفنانة نيللي كريم والفنان آسر ياسين، وعُرض العمل في الموسم الرمضاني 2023، وحقق نجاحًا كبيرًا.
