كتبت – أسماء حليمة
تحدث المطرب سعد الصغير عن مدى استيائه، لوجود فارق كبير بين أجره وأجر الفنانة بوسي، والتي تتقاضى 100 ألف جنية.
وقال سعد الصغير في تصريحات له: “بوسي دلوقتي أجرها 100 ألف جنية، بعد ما كانت بتاخذ 50 ألف، ومحمود الليثي ياخد 50 ألف، وأنا 50 وهي 100 ليه؟!”.
وأوضح سعد الصغير: “لما بيكون عندها فرح بتاخد 300 ألف، بعد ما كانت بتاخد 100 ألف، علشان كده مش بنشوفها في أفراح، إحنا المطربين الشعبين محدش عدى 100 ألف، ولا الـ 70 ألف حتى غير الأستاذ حكيم”.
وفي سياق آخر، قال سعد: “كنت جايب طلبات لأبوها ومفروشات بـ 200 ألف، وبعد وفاته أخدت بوسي الشقة بما فيها، لأن الشقة كانت ملكها، وقالت لإخواتها دفعت الفلوس لسعد الصغير وأنا مخدتش ولا مليم”.
وأضاف سعد الصغير: “أنا بطالب بوسي إنها تتبرع بالفلوس بتاعتي لأهالي غزة، أو تبعتلي فلوسي، على الرغم من أن أهالي غزة عندهم كرامة مش هياخدوا حاجة حد نام عليها، ولكن ممكن نبيع المفروشات دي، ونتبرع بفلوسها أو نجيب حاجة جديدة وأنا أكمل معنديش مشكلة”.
