كتبت – فاطمة ثروت
تحدثت ريم طارق طليقة مغني المهرجانات حسن شاكوش، في تصريحات تلفزيونية لها، عن حقيقة تلميحاتها بوجود علاقة تربط طليقها مع الفنانة حورية فرغلي أثناء زواجهما.
وقالت ريم طارق: “أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك، مش هروح للغريبة أقولها ليه بتعملي كده”.
وتابعت: “ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه”.
وأضافت طليقة شاكوش: “حورية فرغلي قالت أني مذكرتش اسمها وأني قولت حرف بس، وهي مش زعلانة وأنا مجبتش سيرتها، ومش هعتذر لأني مقولتش مين الشخصية”.
وفي وقت سابق علقت الفنانة حورية فرغلي على حديث ريم طارق، والتي زعمت بوجود علاقة لها مع طليقها أثناء زواجهم، حيث قالت: “والله عمري ما شفت حسن شاكوش ولا أعرفه شخصيًا”.
وأردفت فرغلي: “تصريحات طليقته أن ثالث حرف من اسم الفنانة راء، مش حورية بس ما في شيرين!، أنا أصلا مبصاحبش أكيد مش هعرف راجل متجوز”.
وأتمت حورية فرغلي: “أنا مش كده خالص، ومع احترامي لشاكوش أنا مش بتاعت الكلام ده، آخري صداقة، أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير”.
