كتبت – أسماء عبدالمقصود
عبَّرت الفنانة عائشة أحمد عن وجهة نظرها في المشاكل الزوجية التي يتعرض لها كل الأزواج مؤخرًا، وذلك بسبب إختلاف المرأة مع الرجل على تحمل المسؤولية، خاصةً في فترة الحمل.
وذلك بعد مناقشتها في مسلسل بدون سابق إنذار، الذي عرض في السباق الرمضاني 2024، وقالت عائشة: “الست بتقدر تحط روچ وتسوق، الستات فترة الحمل بتقعد في البيت وتتوقف عن العمل ودا من حقها”.
وأضافت عائشة: “وفي المجتمعات العربية بيكبَّروا الموضوع وأنتِ عشان حامل وعندك شغل، دي مسؤولية كبيرة الراجل ميقدرش يتكلم في التليفون ويعمل حاجة تانية الستات تقدر”.
وأكملت: “إحنا كـ ستات بنعمل كل حاجة في نفس الوقت والرجل مابيقدرش يتكلم في التليفون ويعمل حاجة تانية، أما احنا بنتكلم وبنسوق ونحط روچ وبنعمل كل حاجة، ونقدر نخلف ونهتم بيبتنا ونعمل كل حاجة”.
وبنفس النمط وجهت عائشة رسالة لكل أم تعاني مع ابنها من مرض السرطان قائلة: “هما أقوياء جدًا وهما اللي كانوا يساعدونا مش إحنا، وربنا مديهم قوة وصبر حاجة مرعبة هما كانوا بيطبطبوا عليا وبحييهم على شجاعتهم”.
وأردفت: “وعلى إنهم مكملين لآخر نفس ودا مش سهل خالص، ربنا يشفي كل مرضانا، والتصوير كان صعب جدًا وخاصة المشاهد اللي في المستشفى كلها كانت صعبة أوي ومرهقة، وكل يوم عياط في المشاهد وتعب نفسي”.
