كتبت – إيمان أشرف
كشفت الفنانة دانا حمدان، تعرضها لتشوه في وجهها، وذلك بسبب خطأ طبي، بعد تلقيها عرضًا من إحدى العيادات التجميلية لتحفيز الكولاجين في الوجه، من خلال عددًا من مقاطع الفيديو، عبر حسابها الشخصي بموقع التواصل الاجتماعي لتبادل الصور والفيديوهات الشهير “إنستجرام”.
وظهرت دانا في الفيديو وهي في حالة صحية سيئة، لتظهر بعدها وهي تحكي تفاصيل الكارثة التي لحقت بها، قائلة: “عديت بأسوأ 3 أسابيع في حياتي، بسبب إني جيت أحقن حاجة على أنها مجرد سكين بوستر، ومحفز للوجه، ومفيش فيها أي حاجة لتغير شكل وجهي”.
وتابعت: “بعد الحقن مر شهر ولم أتحمل شدة الألم”، ووجهت لتلك العيادة رسالة قالت فيها: “لو كان عندي تعاقدات عارفين اللي كنت هدفعه عشان مش قادرة أتحرك من الوجع ومن شكلي”.
وأضافت: “كان ممكن ردة فعلي تكون أبشع من كده بكتير، بسبب إن المقاوحة استفزتني وأنا مش عاوزة أتألم وأخد أدوية، وأنتوا كـعيادة اتفقتوا معايا على حاجة، وتخلوني أعدي بالتجربة دي من الألم ازاي؟”
واستكملت: “بصحى كل يوم وشكلي مش عاجبني، عاوزه شكلي الأولاني بخدودي الواقعة، ولما كشفت بعد ذلك الألم الدكتور قالي كملي على الأدوية والدنيا هتعدي، ولكن الأغلاط بالحاجات دي كترت، ونقابة الأطباء محتاجة تراجع العيادات، وهل دول فعلًا دكاتر ولا ناس عادية، ولو هاخد إجراء قانوني فده من حقي، وعمري ما بطلع عالسوشيال ميديا غير عشان أقول حاجة حلوة، ومقدرش مقولش اللي حصل معايا”.
واختتمت الفنانة حديثها: “المكابرة شيء مش مقبول وكلمة سوري أكتر شيء مستفز، ومش معلش وأنا قولت اللي يرضيني وربنا بيحبني وعارف اني إنسانة، عشان كده أنقذني ولسة وشي واجعني من البلازما اللي عملوها لي، وبقى عندي صداع في دماغي وعمري ماهحط حاجة في وشي تاني لأن ده رعب”.
