كتبت – آلاء رضا
تحدثت الفنانة علا غانم، خلال تصريحات إذاعية له عن تفاصيل أعمالها الجديدة، بعد مشاركتها في فيلم أولاد حريم كريم مع الفنان مصطفى قمر، الذي شهد عودتها بعد غياب ما يزيد على 7 سنوات عن مجال التمثيل.
وقالت علا غانم: “أنها ستخوض دراما رمضان 2024 بأكثر من عمل درامي، ومازالت تلك الأعمال في مرحلة الكتابة، بينما تستعد للمشاركة في فيلم سينمائي جديد مع الفنانة إلهام شاهين”.
وأوضحت: “أنها أُعجبت بالفكرة كثيرًا، ولكن مازال العمل في مرحلة الكتابة أيضًا”.
وأضافت علا غانم: “حابه أمريكا جدًا وحياتي ومستقبلي اللي رسماه لنفسي هناك ومبسوطة بإنجازاتي وقادرة أحقق ذاتي بمزاجي، يمكن أنا بصحى بدري جدًا هناك وبشتغل ساعات مرعبة لكن أنا بحقق ذاتي ولكن من خلال اختياري في الأدوار اللي شايفني فيها هناك بعمل اللي أنا بختاره، وباجي مصر على الشغل بس ومشاكلي الشخصية”.
وتابعت علا غانم: “لما اخلص حلمي اللي بحققه في أمريكا ممكن أرجع وأنتج في مصر، معرفش أعيش من غير هدف وده اللي مخليني عندي شغف وحماس لكل حاجة بعملها”.
واستكملت: “أنا باخد قرار إجازة مفتوحة من التمثيل ده؛ لأني كنت شايفه حلم بيلمع بعيد في أمريكا، وفكرة إني أتحول لبيزنس ومن اختبر مخي في الشغل مش كفنانة وتقديم أدوار، ولكن كنت عايزة أختبر نفسي في مجال آخر”.
وأردفت غانم: “اليوم اللي خلصت فيه ظل الرئيس كنت ماشية بكل شنطي ومحضرة 20 شنطة شفت إني حققت اللي عايزاه في مصر، وطول الوقت عايشة مع نفسي في مباراة”.
واختتمت حديثه قائلًا: “مبحبش احتفل بعيد ميلادي على فكرة ولما حد بيقولي كل سنة وإنتي طيبة بعتبره بيشتمني وبيعلم عليّا مش ببقى مبسوطة وبحب اتناسى اليوم ده؛ لأني بشوفه عداد، البني آدم ماهو إلا تجارب وبطريقة أو بأخرى لازم تعيشها وأنت مبسوط، وكمان أنا مبحبش امشي جمب الحيط وبحب أعوم وأنط عشان أحس إن حياتي جذابة ولو مشيت جمب الحيط هزهق”.
