كتبت – سوزان الجمال
تحدثت الفنانة غادة عبد الرازق عن تفاصيل استعانتها بطبيب نفسي، قائلة: استعنت بالدكتور النفسي من وقت ما شوفت بنت خلصت حياتها بإيديها، وطول عمري باخد مهدئات وأنا بخاف من الوحدة، وربنا مبيديش كل حاجة، وأكيد أنا واخدة الـ 24 قيراط زي ما مكتوب ليا، ولو ربنا كاتبلي أن الـ 24 قيراط بتوعي بالمرض النفسي فأنا راضية.
وأوضحت غادة عبد الرازق عن ارتباط اسمها بـ أدوار الإغراء، بجانب حديثها عن نجاحها في مسلسل مع سبق الإصرار، وتفاصيل استعانتها بـ طبيب نفسي.
وقالت غادة في تصريحات تليفزيونية: اسمي ارتبط بالأفلام الجريئة بعد فيلم الأجندة الحمراء، والارتباط ده ظلمني وخلاني لمدة 6 سنين بيصنفوني إغراء، وبذكاء مني بدأت اختار أدوار تانية وعملت مجهود جامد علشان أغير النظرة دي.
كما تحدثت عن نجاحها في مسلسل مع سبق الإصرار، وقالت: كان عندي غرور رهيب بعد نجاح مسلسل مع سبق الإصرار، وحسيت إن الدنيا كلها مفيهاش غير غادة عبد الرازق بس، والشهرة لما بتزيد عن اللزوم بتغربل حياة البني آدم، وأنا دلوقتي معنديش أصحاب.
وفي نفس السياق، تخوض الفنانة غادة عبد الرازق السباق الرمضاني المقبل 2024 من خلال مسلسل صيد العقارب، في عمل من بطولة رياض الخولي، محمد علاء جامايكا، سيمون، فريد سيف النصر، عماد صفوت، أحمد ماهر، ميار الغيطي، سامية عاطف، مجدي بدر، أحمد ماجد، وغيرهم من الفنانين.
